The little family blog

I dag stod L og eg opp. Det gjer vi kvar dag. Men i dag stod vi opp til ein liten merkedag for L. Etter ein solid frukost, litt Pippi på DVD, svart kaffi og godt humør samla vi saman alt av smokkar i huset. Vi satte oss ved bordet, forfatta eit brev, la smokkane i konvolutten og limte det heile saman. L sa kva eg skulle skrive:

Hei Nissen No er eg stor gut og eg treng ikkje smokkane mine lenger. Kanskje du kjenner nokon små ungar som treng dei no... Helsing L

Etter dette tok vi på oss utekleda, satte oss i bilen og fant ein raud postkasse. Inn i brevsprekken dyttta L konvolutten med eit alvor i andlete.

"Eg håpar Nissen finn nokre små ungar som kan få smokkane mine, pappa"

Etiketter: Lenny

- Pappa, seier han til meg
- Ja, svarar eg og skjønnar at noko er i gjerde.
- Når eg blir tre år blir eg stor
- Ja, du blir ein god tanke større, svarar eg.
- Når eg blir tre år får eg like store øyrer som deg, og så får eg like stort hovud som deg og, fortset han.
- Ja, du blir nok større, men eg trur ikkje du skal satse på øyrestørelsen min, svarar eg.
- Når eg blir tre år skal eg bli pappa, fortel han vidare. - Eg skal ikkje bli mamma, neiiii, eg skal bli pappa når eg blir tre år.
- Eg håpar du ikkje blir pappa når du blir tre år, eg håpar du ventar ei god stund med å bli pappa, svarar eg. - Eg håpar du kan vente minst ein del år til.
- Ja, det kan eg gjere, pappa, svarar litt skuffa. - Eg kan vente litt til, men når eg blir tre år er eg stor, sant pappa?

Etiketter: Lenny

Vi et middag saman.

- Kva har du gjort på i dag, spør eg L.
- Eg har vore på jobb, svarar han.
- Kva gjer du på jobb, spør eg.
- Eg er der med folka mine, dei små folka mine.
- Skal seie, svarar eg. – Du har din eigne folk du, altså.
- Ja, eg har ein liten jobb med små folk, svara han. – Du har ein stor jobb, mamma har ein stor jobb og eg har ein liten jobb.
- Kva tenar du på denne vesle jobben din med dei små folka dine, spør eg.
- Eg tenar 300 kroner, svarar han fornøgd. – Dei ligg i lommeboka mi. No kan eg kjøpe mat.
- Det er fint, svarar eg. – Det er fint at du kan bidra litt til fellesskapet.

Etiketter: Lenny

Det er tysdag. Eg søv under dyna mi der det endå er varmt. Klokka er ikkje komme seg fram til halv sju endå. Ute har nokon skrudd ned varmen ein tanke for mykje. Verden står stille og det kan godt hende eg drøymer eit eller anna fint.

Eg skvett plutseleg til og trur fyrst at Aukra skulekorps har brote opp døra og marsjert inn på soverommet mitt. Kan hende skulekorpset frå Aukra har byrje med vekketeneste for å tene pengar til den neste korpsturen til Finland, tenkjer eg. Eg lar det eine auga forsiktig ta inn litt av lyset og ser at det er Tigergutt som hoppar og synge like ved øyra mitt.

- Sjå, der er Tigergutt, pappa, seier L med eit stort smil om munnen. – Sjå pappa, der hoppar han.
- Ja sjå der, klarar eg å kremte fram. – Skal seie Tigergutt er voldsamt vaken akkurat no.
- Vi er ferdige med å sove, seier L og kryp opp under dyna mi. Han legg dei kalde beina på magen min og tilbyr meg ein smokk.
- Vi kan kvile litt til, seier eg og let auga att.

Det blir stille i 1min

- Pappa, du har skjegg i nasen din, seier L litt overraska.
- Det trur eg ikkje noko på, svarar eg med auga lukka.
- Jo pappa, sjå, du har masse skjegg i nasen din. Kom, vi må ta det vekk, seier L bestemt.
- Det er ikkje så farleg med det, prøver eg meg. – Det er ikkje skjegg, berre nokre få hår. Vi kan ta det vekk seinare.
- Det er ikkje hår, pappa. Det er masse skjegg. Vi må ta det vekk. Kom, seier han endå meir bestemt.
- Nei, la meg få sove no, seier eg. – Vi må kvile oss litt til før vi skal i barnehagen.

Det blir still i 30 sekundar

- Pappa, du har tyfus, seier L litt overraska.
- Det trur eg ikkje noko på, svarar eg med auga endå lukka.
- Jo pappa, no har du masse tyfus på deg. No er du sjuk. Du må vere lei deg.
- Eg er lei meg, seier eg oppriktig. – Veldig lei meg.
- Eg vil ha fisk på skiva mi, pappa. – Kan et få fisk?
- Du skal få fisk, men kan vi ikkje vente litt til? Kvile litt til, foreslår eg.
- Nei pappa, du har tyfus, vi må ete frukost no. Skive med fisk. Kom, seier han på veg ut av senga med dyna mi etter seg.

Eg står opp og lagar skive med fisk på. Etterpå skal eg ta ein prat med Tigergutt. Så kan arbeidsdagen byrje.

Etiketter: Lenny

Telefonen ringjer. Eg tek telefonen.
- Pappaen min, ropar L i det andre endren. - Eg har bæsja masse på do. Eg har bæsja på doen til Besta, pappaen min.
- Så flink du er til å bæsje på doen, svarar eg stolt.
- Ja, eg er flink til å bæsje, pappaen min, ropar han attende. - No skal Besten og eg ut å jobbe. No kan du snakke med Besta, pappaen min. Ha det bra.
- Adjø, du får jobbe fint, svarar eg.

Etiketter: bæsj, Lenny

Jul kom, men ikkje før den vesle juleafta. Vi måtte komme oss ut av huset og oppsøke nokon som hadde teke seg litt tid. Tid til å rydde jula inn.

Lenny skjønnar at noko er på gang. Det meste er nisse for tida. Nissepysj, nissemat, nissebleie, nissebil og nissedusj.

Etiketter: jul, Lenny

Klokka har nettopp bikka sju, det er søndag og Lenny og eg er godt i gang med Barnas Supershow på DVD.
Lenny ropar ”heia-heia” i takt med barna i fjernsynsapparatet. Eg ventar på at kaffien skal bli klar.
Vi er på plass i eit nytt hus. Der er eigentlig berre ein leilegheit. For oss kan det virke som eit hus då det er så veldig stort. Vi har alle eigne rom, eigen trapp, kjøken med vaskemaskin, dørklokke med eigen dør, og eigen postkassen til avisa. Det er liksom ikkje måte på.

Etiketter: Lenny

Kvar måndag ser Lenny og eg på Mánáid-tv (Samisk barne-tv) saman. Som oftast sovnar eg, mens Lenny ser vidare. I dag sovna eg ikkje.

I dag skulle samebarna slakte rein (noko dei sikkert har mykje og lang erfaring med). Vesle Sahara drog fram ein kniv som var lenger enn armen hennar. Far tok livet av (den stakkars) reinen og la den framfor velsejenta (som sikkert akkurat hadde runda 4 år). Sahara planta kniven trygt i halsen på reinen og tappa dyret for blod. Etter dette byrja ho å flå hovudet på reinen. Målet var å få laus tunga og komme inn til hjernen. Heime venta mor. Ho skulle lage pannekaker av hjernen. Sahara jobba intenst og klarte til slutt (med litt hjelp frå far) å komme inn til hjernen. Fasinerande!

og seinare ut på kvelden var det rein-hjerne-pannekaker til alle saman. Nydelig

Lenny viste ikkje heilt kva ha skulle tru.

Etiketter: Lenny, Mánáid-tv, tankar

Lenny har verkeleg byrja interessere seg for ord. Det er helst ord som byrjar på B. Han skal endå slite litt med Scrabble. Her er eit lite utval fritt frå min hukommelse:

Bade

Ball

(men badeball går ikkje. Er det rart ungdommen sliter med samansette ord?)

Bæsj (betyr diverre ikkje alltid bæsj, men kan også ver eit uttrykk for merksemd)

Bleie

Banan (seier han som om han var frå Halden)

Bolle

Bebi (alle som er mindre enn Lenny)

Vann

Måne

Pasta

Meir (på saognamaol)

Ikkje (på moderat nynorsk, men vi høyrer j’en der inne)

Barne (som kan bety både Barne-tv og Barnehage)

De-no (som betyr smokk)

Anda

Datt ne’

Han kan berre ei frase endå, men det er til gjengjeld ein veldig høfleg frase: ”Akka ma” som tyder: "Takk for maten"

Neste punkt på opplæringsprogrammet er verb. Så fort han får inn nokre verb skal det bli moro.

Etiketter: Lenny

Skulle eg levere Mr. L i barnehagen utan bilen. Kona hadde bilen. Eg hadde Oslo sine sporvegar. Vi sto opp kvart på sju, Mr. L og eg. I løpet av tretti minuttar hadde vi sitte på potte, kledd på oss, ete frukost, smurt matpakke (for kvarande), pussa tennene våre og var klare til å reise.

Trikken skulle gå trettito minuttar etter sju. Den kom litt seinare. Ved stadion på Grefsen gjekk vi av trikken for å ta ein buss vidare. Bussen kom etter kvart. Vi kom oss på bussen. Mr. L merka seg at det var mange andre saman med oss på bussen.

Etter litt var vi framme i barnehagen. Klokka var vel litt etter åtte. I barnehagen kledde eg av L, la matpakka i kjøleskapet snakka høfleg med ho som jobbar der, sa ha-det-bra til L og så fekk eg ein klem. No skulle eg på jobb.

I valet mellom buss (same vegen attende) og t-bane (ny rute) valde eg t-bane (slik at eg hadde prøvd alle tre moglege framkomstmiddel). Altså, fyrst t-bane til ny stadion, Ullevål. Så t-bane til Storo (krysset) og så til slutt trikk til jobben (Løkka’). Like før klokka ni spaserte eg inn på kontoret. Om lag ein og ein halv time etter at eg forlott heimen.

Det er klart eg må støtte det elles tåpelege forslaget om sekstimardagen, om eg skal rekke å hente junior før han blir kasta på gata.

Etiketter: Lenny

Laurdag vandra Lenny og eg byen rundt utan noko anna mål for auga enn å oppleve noko vi ikkje hadde opplevd før. Det var berre oss to, og så var det resten av byen. Vi byrja på den eine sida av elva og vandra etter kvart over på den andre sida. Lenny kommenterte endringane i bybilete slik han oppfatta det heile. Eg kunne seie meg einig med det meste han påpeika. Alle er så mykje likare på den andre sida. Eg fortale Lenny om ein plass mellom to fjell. Eg fortalte han om plassen eg vaks opp på og alle sauene vi hadde der. Då eg var liten hjelpte eg til med sauene og jaga dei ofte frå ein plass til ein annan plass. Lenny kunne ikkje sjå kva som jaga alle sauene på den andre sida av elva. Eg kunne ikkje sjå nokon heller. Men, det var påfallande kor like alle var og kor like mål dei hadde for auga.

Søndag sat Lenny og eg bak i ei kyrkje. Vi ville ikkje vere til hinder for aktivitetane der framme. Bak, saman med oss, sat det andre som også ville ha eit distansert forhold til det heile. Lenny likte musikken i kyrkja. Eg fortalte at dei spelte og song salmar. Lenny meinte det var på sin plass med ein god applaus etter kvar salme. Eg nikka, men lot vere å applaudere. Ein skal vist ikkje applaudere for mykje heller. Etter ei stund måtte vi på do.

Etiketter: Lenny, tankar

Klokka 11 i dag sto familien på tre klare utanfor bassenget. I bassenget var det lagt opp til familiebading. ”Maks tre barn per vaksne person, du har sjølv ansvar for poden, du har maks ein time på deg til å bade deg ferdig”. Perfekt for oss i og med at vi berre har ein pode.

Sjølv om bassenget opna portane presis klokka 11 denne dagen var vi ikkje dei einaste som kunne tenkje seg å duppe poden. Greitt det. Vi fant oss fort til rette i ”miljøbassenget” (ingen kunne forklare meg dette namnet på ein fullgod måte. Det var like mykje klor i dette vatnet som i det andre vatnet. I tillegg vassa det minst 40 små barn rundt i bassenget som garantert endå ikkje hadde kontroll på lukkemuskulaturen i dei nedste kroppsopningane).

Altså, oppi dette bassenget, som var mindre enn det store bassenget, sat det 40 podar (av begge kjønn (usikker på kva for kjønn ordet pode eigentleg er)). Saman med dei 40 podane sat det minst ein vaksen som hadde ansvar. Med andre var det minst 80 personar oppi dette plaskebassenget med ein vasshøgd på 60cm. Føresetnadane var på usikker grunn.

Mr. L (poden min) diggar vatn sjølv om han må ha på seg armflyteringar som begge er større enn hovudet hans (han skjønnar liksom nytten av dei). Han lot seg ikkje stresse av dei 80 andre.

Det utviklar seg fort ein eigen kultur i eit slikt basseng. Ein kan ikkje bevege seg og må med andre ord kommunisere med dei andre. Det går fort sport i å ha den yngste, modigaste og mest velutvikla poden. I kommunikasjonen med andre senkar ein fort alderen med både to og tre månadar, samtidig som ein presiserar at dette er fyrste gongen i vatn for poden. På denne måten skal ein liksom byggje opp ”kredd” for både ein sjølv og poden. Ikkje det at Mr. L tenkjer så mykje på kreddopptjeninga (men det kan komme til nytte seinare i livet tenkjer eg). Det heile enda med symjande podar på 20kg i ein alder av fem månadar. Ein skulle ikkje tru.

Timen gjekk fort og med klorraud hud labba familien (som endå var tre) i dusjen for å bli kvitt så mykje av miljøet som mogleg.

Det blir garantert fleire familiebadeutflukter denne hausten, i tillegg til beinhard trening her heime i stampen.

Etiketter: Lenny, tankar

om full barnehagedekning:
"For meg er dette så viktig at dere er kvitt meg hvis vi ikke får det til," sa SV-leder Kristin Halvorsen i ein partileiarutspørjing på fjernsynet før stortingsvalet i 2005

Etiketter: Lenny, politikk

...kl 08.00 tideleg ein søndag. Lett duskregn, ellers god stemning. I tillegg til oss to - tre svette joggarar, fem hundar på lufting, fire sovande ender, ei barnevogn med sovande far på slep og ein full polakk som leitar etter ledig drosje langs Akerselva (lukke til!). 

Etiketter: Lenny

Vi står opp. Guten kryp omkring. Avis, te og frukost. Kaffitraktaren blir satt i gang. Full tank. Meir leik på golvet, vi kryper begge omkring og synger songar eg ikkje kan teksten på. Kaffikopp nummer ein. Tid for graut. Guten et grauten sin og legg att litt på bordet, stolen og på brillene til far. Kaffikopp nummer to. Tid for søvn. Guten blir plassert trygt i senga. Pensum blir henta fram. Kaffikopp nummer tre. Guten vaknar. Leik på golvet. Kaffikopp nummer fire. Vi går ut. Magen vil ikkje ut. Magen vil ligge litt i ro.

Ute går vi langs elva. Vi helsar på alle dei andre som går langs elva. Dei har enten hundar eller barn dei dreg på. Hundane som møtes hoppar på kvarandre. Barn berre vinkar. Eg må på do. Vi stoppar ein plass. Eg kjøper ein kopp kaffi i pappkrus. Vi går vidare.

Vi kjem heim att. Kaffien heime er endå litt varm, men ikkje heilt varm. Guten leikar på golvet. Kaffikopp nummer noko. Han et ei banan. Han legger seg att. Eg sit på do.

Vi er halvvegs i dagen. Det er mykje kaffi att.

Etiketter: Lenny

Oppe og står. Men styrken er større enn vettet! Denne gutten skal få noen skrubbsår og blåmerker.

Etiketter: Lenny

Når Leander er med på bilferie sitter han bak, heilt bak, i bagasjerommet.

Etiketter: ferie, Lenny

I dag har Leander (4mnd, 13dg) krabba for fyrste gong. Han har krabba heile to meter (eg målte opp med hjelp av augemål). Han krabba frå matta si og fram til fjernsynet med alle dvdane. Der tok han tak i den fyrste og beste (For a few dollars more med Clint Eastwood, av Sergio Leone) og reiv den ut før han snudde 190grader (også augemål) og venda nasa mot kjøkenet. Krabbeteknikken er enkel no i byrjinga og består av to enkle element: heve rumpa og sparke frå med beina.

Etiketter: Lenny

Onkel, du har meldt Leander inn i Norsk forening mot støy!! Kva i alle dagar… i ein alder av fire månadar får Leander no tilsendt medlemsbladet Støymåler’n.

Kva er det du prøver å seie med denne handinga?

Etiketter: Lenny

Endeleg har Leander byrja sjekke damer. Her har han lagt an på Margareth Aurora (5 veker). Tippar han blir glad når vi kjem trekjande med dette bilete om 15år.


Leander, three months

Etiketter: Lenny

Bella er ein rosa gris. Leander fekk Bella av onkelen sin. No byrjar Leander å bli glad i Bella.

Spørsmålet er om rosa skal vere fargen til Leander....?? Eg meinar, gode trygge verdiar må leggast til grunn tideleg i oppveksten. Og farge er ein viktig verdi. Kva for ein person blir eigentleg Leander om han veks opp med ein rosa gris?

Rykter vil ha det til at andre barn i barselgruppa til Leander har byrja snu seg på eiga hand. Dette er urovekkande rykter her i familien og vi starta fort opp med ein snuopprasjon. Kvar dag trenar Leander minst 3 timar på snuøvingar. Målet er at guten skal kunne snu seg frå mage til rygg og attende til magen i løpet av dei neste tre vekene. Vi kan for all del ikkje ligge bak dei andre barna i utvikling.

Eit anna viktig prosjekt er Leander-sitt-fyrste-ord prosjektet. Her i familien har vi komme fram til at Leander sitt fyrste ord skal vere rikstrygdeverket. Vi har byrja på byrjinga og jobbar med ordet/lyden "r-i-k-s". Etter at Leander kan seie rikstrygdeverket kan han lett seie ord som riksarkivet, riksbibliotektjenesten, riksantikvaren, riksadvokaten osv.

Mykje spennande utvikling i vente med andre ord.


Leander and Bella the Pig

Etiketter: Lenny

Finally Leander gets to meet his second Grandmother

Etiketter: Lenny

• In Norway there are 265 with Leander as their first name, and there are 217 with Leander as their only first name (Statistics Norway)

• St. Leander of Seville
• A city in Texas - City of Leander
• The worlds oldest rowing club - Leander Club

Etiketter: Lenny

He has started to sleep at night, he eats all the time, he poops and he goes outside shopping. In other words, a very nice kid!

Etiketter: Lenny

Leander in his first diapers

Etiketter: Lenny

Leander and Grandparents

Etiketter: Lenny

Leander awake and dad sleeping

Etiketter: Lenny

Leander, 3940gram og 53cm lang

Etiketter: Lenny